ඔබ වෙනත් ඇමතුමක

18155951_1837212563267293_8931070184715679647_oසයිබර අහස සැරසූ
ලොකු ඇස් අයිතිකාරී
කිංකිණි සීණූ හැඬවූ
ඔබ ඒ ගායිකාවී

බිඳෙන් බිඳ හද ලං වූ
නමක් නැති බැමි බැන්ඳූ
ඉතින් ඒ ගී සිංදු
ගයා ඉවරද ළන්ඳූ?

දුර ඈත ඇමතුමක තාලයට
ම’හදවත මල් පිපෙයි
තද සීත රාත්‍රියෙක උණුහුමට
හිත් දෙකක් තුරුළුවෙයි
ඒ නමුදු ඒ සිහින අපෙ නෙවෙයි

විඩෙන් විඩ
මැසෙන්ජරයට එබෙමි
විඩෙන් විඩ
තවත් පණිවුඩ තබමි
ඔබ වෙනත් ඇමතුමක,

හිත නිවන ඒ සිහින
පෙම්බරයි
ඒ නමුදු ඒ සිහින
මගෙ නෙවෙයි

© නිරුත්තර.

Advertisements

ඔබ දෙතොල උණුහුම් ය

18010961_1833522863636263_7506998075409135647_n

ඔබ දෙතොල උණුහුම් ය
දැවෙන, මෘදු සැනසුම් ය
හුවමාරු වන සුසුම්
ඇත්තෙන්ම සන්සුන් ය
ඔබ, දැවෙන සිරුර
අයදින මොහොත,
කෝ කොහෙද
සොයන සැනසෙන පහස?
ඔය දෙතොල
කියන රස පිරි රහස
මේ මෙතැන නොවෙද
සැනසෙන අහස?

©නිරුත්තර.

වෙඩින් එක ගත්ත ද?

wedd.jpgපැටියෝ…!

අපි ප්ලෑන් කරපු විදියටම
ලස්සනට
වෙඩින් එක ගත්තද?
එයාටත් සතුටු ද?
ඔයාටත් සතුටු ද?

මට ඉතිං ෆොටෝවත්
දකින්නට නරක ද?
බ්ලොක් කරේ ඒකද?
“දැන් ඉතින් ජීවිතේ කොහොම ද?”
ඉඳහිටක වත් ඇවිත්
අහන්නේ කොහොම ද?

© නිරුත්තර.
2016 අප්‍රේල් 12